दहावी उत्तीर्ण असलेल्या उमेदवारांना भारतीय पोस्ट विभागामध्ये सरकारी नोकरीची सुवर्णसंधी आहे. भारतीय पोस्ट खात्याकडून ‘ग्रामीण डाक सेवक’ पदाच्या एकूण 44,228 रिक्त जागांसाठी जम्बो भरतीची माहिती देण्यात आली आहे. ही भरती प्रक्रिया 25 जुलै 2024 रोजी सुरू झाली असून, इच्छुक उमेदवारांसाठी मोठी संधी आहे.
भरतीची अधिकृत अधिसूचना
25 जुलै 2024 रोजी याबाबतची अधिकृत अधिसूचना पोस्ट खात्याकडून जारी करण्यात आली आहे. परीक्षेची तयारी करत असलेल्या उमेदवारांसाठी ही मोठी संधी असणार आहे. ‘ग्रामीण डाक सेवक’ पदाची पात्रता पूर्ण करणारे उमेदवार 25 जुलैपासून तात्काळ अर्ज करू शकतात.
विनापरीक्षा थेट भरती
विशेष म्हणजे या भरतीत विनापरीक्षा थेट भरती होण्याची संधी आहे. सदर भरती प्रक्रियेत उमेदवाराची कोणत्याही प्रकारची परीक्षा घेतली जाणार नाही. उमेदवारांची निवड प्रक्रिया ही दहावीच्या गुणांच्या आधारावर केली जाणार आहे.
रिक्त पदांचे नाव
भारतीय पोस्ट खात्यात खालील रिक्त पदे भरली जाणार आहेत:
- GDS-ब्रांच पोस्ट मास्टर (BPM)
- GDS-असिस्टंट ब्रांच पोस्ट मास्टर (ABPM)
कोण अर्ज करू शकतो?
भारतीय पोस्ट खात्यातील ‘ग्रामीण डाक सेवक’ (GDS) पदांसाठी मान्यताप्राप्त बोर्डातून 10 वी उत्तीर्ण असलेला विद्यार्थी अर्ज करू शकतो. उमेदवार हा मान्यताप्राप्त बोर्डातून 10 वी उत्तीर्ण झालेला असावा. तसेच उमेदवाराने दहावी परीक्षेत आपल्या मातृभाषेचा अभ्यास केलेला असावा. उमेदवाराला संगणकाचे ज्ञान आवश्यक आहे.
वयाची अट
भारतीय पोस्ट खात्यातील ‘ग्रामीण डाक सेवक’ (GDS) पदांसाठी इच्छुक उमेदवारांचे वय 05 ऑगस्ट 2024 रोजी 18 ते 40 वर्षे असणे आवश्यक आहे. तसेच SC/ST प्रवर्गातील उमेदवारांना वयात 05 वर्षे सूट आहे. आणि OBC प्रवर्गातील उमेदवारांना 03 वर्षे सूट आहे.
शेवटची मुदत
‘ग्रामीण डाक सेवक’ (GDS) पदांसाठी अर्ज सुरू होण्याची तारीख 25 जुलै 2024 आहे तर अर्ज करण्याची शेवटाची तारीख 5 ऑगस्ट 2024 आहे. तसेच अर्ज संपादित म्हणजेच एडिट करण्याची तारीख ही 6 ते 8 ऑगस्ट 2024 ही आहे.
निवड प्रक्रिया
गुणवत्तेच्या आधारावर भारतीय पोस्ट खात्याच्या ‘ग्रामीण डाक सेवक’ (GDS) पदांसाठी उमेदवारांची निवड केली जाईल. 10वी मध्ये मिळालेल्या गुणांच्या आधारे उमेदवारांची निवड होईल. निवड झालेल्या उमेदवारांना कागदपत्र पडताळणीसाठी बोलावले जाईल. त्यानंतर शेवटचा राउंड पार पडल्यानंतर उमेदवाराची निवड होईल.
पगार
‘ग्रामीण डाक सेवक’ (GDS) पदांवर एबीपीएम/जीडीएस पोस्टचा पगार दरमहा 12 हजार ते 24 हजार रुपये इतका असेल. तसेच बीपीएम पदांचा पगार 12 हजार ते 29 हजार रुपये प्रति महिना इतका असणार आहे.
परीक्षा शुल्क
‘ग्रामीण डाक सेवक’ पदांसाठी अर्ज करण्यासाठी सामान्य वर्गातील उमेदवारांना 100 रुपये शुल्क भरावे लागेल. तर आरक्षित आणि पीएच श्रेणीतील उमेदवारांना कोणतेही शुल्क भरावे लागणार नाही.
ऑनलाईन अर्ज करण्यासाठी
ऑनलाईन अर्ज करण्यासाठी – येथे क्लीक करा
भारतीय पोस्ट खात्यात 44,228 पदांसाठी भरतीची ही सुवर्णसंधी दहावी उत्तीर्ण उमेदवारांना सरकारी नोकरीची एक अद्वितीय संधी देत आहे. त्यामुळे इच्छुक उमेदवारांनी तत्काळ अर्ज करावा आणि त्यांच्या भविष्यासाठी एक मजबूत पाऊल उचलावे.
